1908bc British Chinese

营业中

休息中

今晚同朋友想揾间坐得舒服d既餐厅倾下计，揾到呢间西式中餐，好似几得意。点知有惊喜。芝麻虾多司多司炸至金黄色, 原只大虾, 食到包边香脆, 亦食到虾既爽口鲜味, 重点系唔觉得成口油, 系一个好有水准既芝麻虾多司。必食。鲜蟹肉粟米羹香浓粟米香味, 足料蟹肉, 唔会杰挞挞, 而且汤好够热, 唔知有无人同我一样, 钟意饮好热既汤。所以好岩我心水。香酥鸭刈包香酥鸭刈包,鸭油香味飘住出黎, 因为鸭肉系炸过, 所以食入口都食到少少脆口感，，挂包松软鸭肉一丝丝带咸香, 夹住甜酱, 青瓜丝, 可以融和返炸鸭肉既油份。英式炸鱼薯条好厚既Cod fish，外层的炸浆香脆，而且做到不厚身薄薄一层，入口酥化, Cod Fish鱼味唔算好重, 怕腥既朋友都食到, 而且肉质比较嫩。配住热辣辣炸薯条, 真系肥仔都抵。餐厅配左青豆蓉做side dish, 几特别。Blueberry & Lime Seltzer叫左杯Mocktail< Blueberry & Lime Seltzer> 轻微酸酸地, 有DD气, 配我个英式炸鱼薯条, 岩哂。