Chez Bistro

营业中

休息中

环境4分：楼上cafe格局，木地板同格仔窗口好有欧洲feel，室外阳光可以入到嚟，开扬光猛，D位唔迫，可以畀四分。卫生4分：周围都好干净，畀四分。服务 5分：侍应生大部分都系后生，快手快脚，又够细心，成日会加水，又自动介绍午餐，所以畀五分。味道5分：1)      面包有提供橄榄油或者牛油，悉随专便。2)      跟餐沙律好爽好鲜，跟醋够开胃，两块猪肉好香口。3)      青口忌廉餐汤好滑好够味，有两只又甜又肥嘅青口，西餐嚟讲好足料。4)      香煎是日新鲜海捕鱼柳块鱼柳切成正方形，上边配一只虾，跟住有薯蓉配菜同个西兰花。块鱼柳Ｄ皮煎得好脆，肉就软淋，只虾就非常弹牙，厨师应该都几有心机整这份午餐，比够佢满分。5)      炭烧美国顶级黑毛安格斯嫩肩里脊牛扒真系唔讲得笑，感觉好似食紧烧牛肉，好香，而且非常之有牛肉味，Ｄ肉地够淋，一Ｄ都唔肥，仲每一块都好容易咬得到，都系比佢满分。抵食 4分：百几蚊食个高质西式午餐，抵畀佢四分。