Villa Villa

营业中

休息中

平时比较少去北角，原来都几多嘢食！今日行过北角嘅一条小巷，好有外国alley嘅感觉，餐厅都几多元化，呢间Villa Villa就系其中一间人龙店！餐厅座位唔多，好有外国小餐馆嘅感觉，而佢嘅食物主打都系西餐，有好多唔同嘅套餐，经济啲又有，高级啲都有，总有一款啱你😍 今日我就叫咗个期间限定嘅二人套餐，非常经济实惠👍🏻黄金炒薯条 - 即系咸蛋黄薯条，咸蛋味超重超香！而且非常热辣辣，新鲜出炉，好高质！完全系食到停唔到口👍🏻👍🏻美国极黑猪配黑松露意大利饭 - 黑松露味道好香，淡淡都有黑松露味，钟意黑松露嘅朋友一定啱晒！猪肉份量都好多，饭又够Creamy，非常好食👍🏻蒜香银鱼蓉意大利粉 - 蒜味够重够香浓，意粉又好入味，如果蚬可以再多啲就好啦！伯爵茶朱古力蛋糕 - 当然要试吓佢主打嘅蛋糕啦！店长果然冇介绍错，呢个伯爵茶朱古力蛋糕超级高质！伯爵茶同朱古力嘅比例啱啱好，唔会太甜，食落有淡淡白爵茶嘅清香，必食之选！👍🏻👍🏻👍🏻除咗嘢食，饮品选择都好多，今日试嘅水果茶同白酒，都正常发挥，佢仲有其他好特别嘅Cocktail，下次一定要试吓！