影片
更多
2021-06-10
84 浏览
大角嘴一带近年大翻新，开了唔少特色餐厅，今次上网见呢间eaaat.here大受好评所以就前嚟一试，嚟到先知原来佢身处系一个叫利奥坊嘅住宅商场，商场相信系新落成，入面有一连几间劲靓环境嘅cafe同bar and restaurant，已经bookmark定下次要嚟试埋其他食肆！Eaaat.here嘅食物种类好多，由西式嘅意粉/ 扒类，到日式串烧，甚至南美经典菜式ceviche都有。刺身吞拿鱼配柚子汁 ($108)Ceviche其实系用柠檬汁腌制嘅鱼生，香港唔多餐厅有做呢道南美菜，所以见到呢度有就必叫一试！我地拣选了呑拿鱼刺身，虽然用清甜嘅柚子汁腌制，但都无掩盖呑拿鱼嘅鲜味，食落酸酸甜甜相当开胃。牛油果蟹肉合桃石榴汁沙律 ($108)呢道沙律配上出面少见嘅石榴汁，粉红色嘅石榴汁为卖相加分之余亦令味道更加清新，而且牛油果嘅熟度刚刚好，绵绵嘅果肉再加上鲜甜蟹肉系绝配。鹅肝酱多士 ($58/ 2 pieces)呢款一口size嘅多士我地拣了鹅肝酱，一啖食完嘅份量啱啱好唔会太腻，浓郁嘅鹅肝酱加上甜甜嘅果酱完全系满足味蕾之选。大葱鸡脾肉 ($38)/ 鸡膝软骨 ($38)/ 免治鸡肉棒 ($45)D
刺身吞拿鱼配柚子汁 ($108)
Ceviche其实系用柠檬汁腌制嘅鱼生，香港唔多餐厅有做呢道南美菜，所以见到呢度有就必叫一试！我地拣选了呑拿鱼刺身，虽然用清甜嘅柚子汁腌制，但都无掩盖呑拿鱼嘅鲜味，食落酸酸甜甜相当开胃。
牛油果蟹肉合桃石榴汁沙律 ($108)
呢道沙律配上出面少见嘅石榴汁，粉红色嘅石榴汁为卖相加分之余亦令味道更加清新，而且牛油果嘅熟度刚刚好，绵绵嘅果肉再加上鲜甜蟹肉系绝配。
鹅肝酱多士 ($58/ 2 pieces)
呢款一口size嘅多士我地拣了鹅肝酱，一啖食完嘅份量啱啱好唔会太腻，浓郁嘅鹅肝酱加上甜甜嘅果酱完全系满足味蕾之选。
大葱鸡脾肉 ($38)/ 鸡膝软骨 ($38)/ 免治鸡肉棒 ($45)
Drink.here ($88)
嚟到饮cocktails当然要拣几款串烧送酒，我试了呢杯叫drink.here，主要系gin + lemon juice + cucumber juice 混成，听个组合都想像到佢fresh嘅味道，最啱依家大热天时饮。而系众多串烧入面我一向独爱免治鸡肉串，因为最钟意佢沟埋脆软骨嘅口感，呢度嘅免治鸡肉串亦无令我失望。
鱼子酱蟹膏蟹肉意粉 ($158)
呢个组合听落都已经觉得奢华，鱼子酱加蟹肉蟹膏呢个配搭简直无得输，意粉吸收晒蟹肉鲜甜嘅精华，再捞埋鱼子酱啖啖香浓。
士多啤梨苹果金宝伴雪糕 ($108)
最后当然唔少得甜品，平日雪糕加apple crumble就食得多，成个甜筒插系上面嘅就真系未见过！店员仲俾我地相机打卡之后就即场打碎个甜筒捞落热辣辣嘅apple crumble度，成件事邪恶到不得了但食左啖之后系会停唔到口！
张贴
