Deep Sea Oyster & Steak

营业中

休息中

同朋友庆生，见到呢间推介，环境唔错，所以就拣咗呢间Deep Sea, 好chill.初头以为系西餐厅，但原来系西式fushion日式，menu都唔少日式食物，当中包括咗刺身。今次嗌咗个西式意粉、日式乌冬、日式味增汤、fushion小食。蒜蓉青酱鸡肉意粉每条意粉都挂满青酱，好香嘅罗勒味，仲有少许芝士味，意粉好香口，加上鸡肉煎得啱啱好，好夹。日式安格斯牛肉稻庭乌冬牛肉系半熟，再月 热汤嘅余温煮熟牛肉，啱啱好，好嫩滑，好有牛味。安格斯薄烧师傅将牛肉鬈住啲蒜片，再烧，好香口，唔洗点任何嘢都好够味。再加上沙律配蒜汁，好开胃。三文鱼味噌浓汤有别于其他，佢系煮得好浓，连京葱味都煮到入晒去汤、三文鱼同萝卜到，保持到食材原味之余，都仲可以食到京葱味。