胡同

营业中

休息中

近年好多中餐厅都用上西式格调，设计上整体感觉比较精致，位于尖沙咀Zentre嘅胡同都有呢种格调。环境方面比较昏暗，一入门口有一种入左酒店lounge嘅感觉，再加上落地大玻璃方便欣赏维港夜景。 🌕🌕🌕🌑🌑灯映牛肉味道唔错，甜甜地，略嫌唔够薄，唔够通透 🌕🌕🌕🌑🌑火焰胡椒片皮鸭（半只）会有师传喺你面前花式翻热只鸭再片皮，除左观赏之余亦都令鸭皮更加香脆 🌕🌕🌕🌕🌑大红灯笼高高挂辣椒煮软壳蟹，辣椒好香，软壳蟹松脆，但系以呢个排场黎讲略嫌唔够辣 🌕🌕🌕🌑🌑海龙皇简单一个蟹肉汤 🌕🌕🌕🌕🌑麻辣虾香脆爽口，唔够麻唔够辣 🌕🌕🌕🌑🌑咸肉津白为左上枱嘅时候可以成朵花咁，同一般上汤浸嘅津白有少少唔同，比较爽口（硬身） 整体黎讲菜式都系比较精致，但系唔知系唔系为左迁就香港人口味，川式嘅麻度同辣度比想像中弱好多，无左个神髓，只系用好多辣椒堆砌左一个好澎湃嘅视觉辣度。食川菜就系想麻想辣，当然为左迎合市场而适量调整口味系在所难免，但系过度迁就市场就无左本来嘅特色。