三原 (已搬遷) 新店位置

订左食1330。去到既时候已经坐满晒，净低我地订既两个位。由于我地系最尾到。所以基本上其他人都食到一大半。见到其他客人想分享美食，厨师又会细心分件。唯一担心卫生，我地既野食，摆盆摆在其他客人面前。前菜系无特别的日本沙律加茶碗蒸。我既套餐有煎带子，啱啱好仲有小小生，好味，但下面既烟肉太浓味了。老公有鹅肝多士，多士够脆，鹅肝刚好熟晒，真系靠师傅既经验喇。第二道菜系煎鱼，皮煎到脆卜卜。第三道我可以㨂龙虾或鲍鱼。一直都系钟意鲍鱼多。当然叫鲍鱼啦。忌廉汁底加小小酸味既汁。个人觉得净食鲍鱼已经好正。主菜我同老公交换，（我地睇餐牌既时候就决定交换，佢地唔知点解听到，上菜时候就上到我地想食果碟）因为我想食牛舌，而佢钟意牛肉多d. 佢叫左澳洲和牛，见到真系好薄啊。结果师傅有问佢要几熟？老公要三成，但块和牛薄到咁样要控制响三成都真有难度。最终老公觉得入面卷住既菜/菇类太有味，其实佢食唔到和牛既味道。上面既京葱其实仲好生，反而有一阵特别既甜味。而我既千舌就非常好煮到入面一丝丝咁样。浓浓既味，令我觉得自己食紧西餐。最尾既炒饭已经唔系好食得落，因为西式煮法落得太多牛油。已经好饱了！最尾上埋一杯荔枝味雪糕。俾75