農舍 (已結業)

5月3日，为庆祝B猪11个月大, 同埋上年差唔多呢个时间腹大便便嘅呀菲仲走咗入南丫岛行山食海鲜~ 今日我地再次重游故地! 难得B猪玩完一日攰到著觉, 我地亦乘机叹个晚餐!::: 红菜头田园沙律 + 意大利青瓜杂菜千层面 + 冻朱古力 :::前菜选了好健康的红菜头田园沙律, 就系简简单单的几条红菜头同沙律菜, 配上酸甜开胃的油醋汁, 新鲜健康!意大利青瓜杂菜千层面卖相十分吸引! 唔讲真系唔知佢系素菜! 面层d芝士焗得焦香惹味, 切开千层面仲会拉出一条条芝士丝~ 里面软淋淋嘅馅料原来系红萝卜, 青瓜, 茄子同杂菌, 充满蔬菜香甜味! 虽然望落佢个份量唔算太大, 但原来亦相当饱肚~ 大食如呀菲都觉得好满足~冻朱古力唔算好浓, 但味道唔错, 天气热饮够冰凉~::: 蘑菇汤 + 农舍芝士蕃茄香草素汉堡伴香焗薯条 + 热奶茶 :::磨菇汤面头放上几粒鱼仔饼代替平时d面包粒, 好得意~ 汤底超浓郁, 饮得出系真材实料, 啖啖菇菌茸! 不错~农舍芝士蕃茄香草素汉堡面包烘香脆, 块素汉堡好厚, 够晒「啖啖肉」, 夹上厚切番茄同芝士轻轻烤过, 同平时d啖啖肉汉堡包比一d都唔逊色! 香焗薯条亦都够晒天然,