Outback Steakhouse (翡翠明珠廣場) (已結業)

琴晚同朋友一齐嚟食dinner，坐入面都可以又热又焗，问员工可唔可以较大个冷气，佢又话冇，好彩后尾都帮我调左位，但四个人坐都系好窄。重点系未谂过一间大型扒房西餐可以做到成个茶餐厅咁，成个餐厅周围滴水，成地垃圾，仲要系一个餐厅入面好多虫飞嚟飞去，卫生好差，唔该维修下啦，咁样嘅环境啲嘢几好食都冇用啦。个经理又做到躁底黑面，系个餐厅到大大声声讲嘢，好似系到发脾气，好心唔够人就请人啦，请唔到揾分店借得唔得啊，成间餐厅咁大得几个员工边够做啊，我系个员工都做死啦，明明之前都多人，依家我落个单都要等成五分钟。