Lava 燒

营业中

休息中

同外国朋友到太子的酒吧区揾食，佢想试吓西餐以外的东西，但又想饮杯啤酒。俾我哋揾揾下，又见到一间主打grill的酒吧，啱晒佢要求。店内环境都几舒服，有轻音乐。啤酒同各式酒类饮品都唔少，就好似典型的西式酒吧咁。最有趣的是，食物唔系炸薯条等等的佐酒小食，以系一系列的串烧。食物选择都算系几多，足两页纸。师傅做好后，摆得靓靓先呈上。满满的一大盘烧烤食物，令人食指大动。除咗一般的串烧外，亦不乏比较特别的食材。我就觉得烧鲭鱼最抵食，只系廿几蚊，就有长长的一条鲭鱼，而且烧得香脆入味。外国朋友仔就钟意食呢款大啡菇，觉得佢juicy得来口感又丰富。金菇肥牛亦都系当晚其中一款最喜爱的食物，师傅非常重手地厚厚地卷上两层肥牛，金菇同肥牛的肉质配合得好好，非常惹味。蔬菜方面，露荀较为出色，清新得来又无渣。整体食物都算做得唔错，酱汁香料都几惹味。可以食住串烧又咁舒服的环境饮杯啤酒，确系一大乐事。