影片
更多
2015-07-17
4670 浏览
又一次跟随openrice龙虎榜揾嘢食～今次嚟到铜锣湾人气高企嘅韩食school food。话明人气高企，要排队已经系预料之内！一到门口，果然系好多人⋯接近于last order时段，人潮还不断⋯又系有限时，个几钟用膳时间。排左十几分钟，入座第一时间当然要火速落order啦！因为可以争取更多时间慢慢叹。店内灯光偏暗，好自然令人有放松嘅心情⋯餐牌唔算太多选择，比较西式化嘅韩国料理。图片斋睇其实都几吸引，样样都好想试，但见到附近台面嘅食盆其实都几大⋯基本上一人叫一个set,张台其实应该啱啱够摆⋯⋯结果最后拣左两款主菜同一壶芒果特饮,再加一款小食⋯由落order到上菜，其实都几有效率！好快就见到食物嘅卢山真面目！其实同图片真系无异！呢样其实可以加分！因为坊间有好多都系图片只作参考，做到与图片无异，基本好值得赞赏！芒果特饮，果香味道唔错！容量都几多，两个人一人饮几杯都仲有！乌卒卒（墨鱼），个样虽然乌卒卒，但一啲都唔丑样！黑得嚟够索！味道甜甜地，墨鱼同饭粒好夹，仲有小小辣辣地，烟烟韧韧，又几特别㖞！软芝士泡菜铁锅饭，卖相好吸引喔！每粒饭嘅颜色好均匀，饭亦处理得好，唔太干唔太湿，味道亦系甜甜，又辣
今次嚟到铜锣湾人气高企嘅韩食school food。
话明人气高企，要排队已经系预料之内！
一到门口，果然系好多人⋯接近于last order时段，人潮还不断⋯又系有限时，个几钟用膳时间。排左十几分钟，入座第一时间当然要火速落order啦！因为可以争取更多时间慢慢叹。
店内灯光偏暗，好自然令人有放松嘅心情⋯餐牌唔算太多选择，比较西式化嘅韩国料理。图片斋睇其实都几吸引，样样都好想试，但见到附近台面嘅食盆其实都几大⋯基本上一人叫一个set,张台其实应该啱啱够摆⋯⋯结果最后拣左两款主菜同一壶芒果特饮,再加一款小食⋯
由落order到上菜，其实都几有效率！好快就见到食物嘅卢山真面目！其实同图片真系无异！呢样其实可以加分！因为坊间有好多都系图片只作参考，做到与图片无异，基本好值得赞赏！
芒果特饮，果香味道唔错！容量都几多，两个人一人饮几杯都仲有！
乌卒卒（墨鱼），个样虽然乌卒卒，但一啲都唔丑样！黑得嚟够索！味道甜甜地，墨鱼同饭粒好夹，仲有小小辣辣地，烟烟韧韧，又几特别㖞！
软芝士泡菜铁锅饭，卖相好吸引喔！每粒饭嘅颜色好均匀，饭亦处理得好，唔太干唔太湿，味道亦系甜甜，又辣辣地。味道就中规中举啦!
每款主菜都可以加钱换小食，可以加沙律、炸鸡等⋯结果拣左炸鸡啦⋯不过味道就⋯麻麻，鸡肉处理得较湿，唔够干身同脆！鸡肉质地亦唔够滑，有啲似麦乐鸡咁！
总括，环境同食物都唔错，但如果要搞到咁疯狂排队，我又觉得未够值得。始终都未去到咁顶级嘅滋味，试过其实已经足够，但要下次再特登嚟？咁又未必喇^_^''
张贴
