影片
更多
2023-09-04
3449 浏览
有日行过路过，见到间食店排长龙。细望之下系一间主打西式韩食料理 - PIZZA MARU，心谂揾日要试吓先。平日放工时间，一定有人龙，假期就唔驶谂啦！😅所以今日拣咗平日嘅lunch time 嚟。营业开始时间为中午12点，我哋就踩点到场。平日中午唔驶排队（当日所见），但都坐满8成。😅 店内装修简约，坐位舒适。店员普遍讲英文，但仍有一两位可以讲中文嘅员工。PIZZA MARU 主打当然系Pizza 🍕 啦！其次就系炸鸡（绝对推介！）。今日点咗2个lunch set 再散叫炸鸡， 务求要试多几款。蒜蓉青酱大虾意粉 (Lunch set) 大虾三大只，口感爽口弹牙。青酱忌廉汁非常creamy，味道浓郁，意粉条条都挂汁，淡淡满足。泡菜烤牛肉薄饼（8吋 - Lunch set) 看似一般，但入口先知厉害。馅料（泡菜＋烤牛肉） 甜甜咸咸有微微辣，口味丰富。饼底松脆，厚度介乎必X客厚批同薄批之间。厉害之处在于入口每啖芝士都拉丝，真系第一次食Pizza 食到咁多芝士。芝士狂迷必点。炸鱿鱼圈入口「卡勒」一声，脆到无敌，脆浆好薄身，火候控制啱啱好，鱿鱼仲保持到鲜嫰弹牙。炸迷你八爪鱼同鱿鱼圈个脆浆一样，一
PIZZA MARU 主打当然系Pizza 🍕 啦！其次就系炸鸡（绝对推介！）。今日点咗2个lunch set 再散叫炸鸡， 务求要试多几款。
蒜蓉青酱大虾意粉 (Lunch set) 大虾三大只，口感爽口弹牙。青酱忌廉汁非常creamy，味道浓郁，意粉条条都挂汁，淡淡满足。
泡菜烤牛肉薄饼（8吋 - Lunch set) 看似一般，但入口先知厉害。馅料（泡菜＋烤牛肉） 甜甜咸咸有微微辣，口味丰富。饼底松脆，厚度介乎必X客厚批同薄批之间。厉害之处在于入口每啖芝士都拉丝，真系第一次食Pizza 食到咁多芝士。芝士狂迷必点。
炸鱿鱼圈入口「卡勒」一声，脆到无敌，脆浆好薄身，火候控制啱啱好，鱿鱼仲保持到鲜嫰弹牙。
炸迷你八爪鱼同鱿鱼圈个脆浆一样，一啖咬落去，仲有少少爆汁，本身脆浆够味，建议唔好醮沙律酱，否则好咸。😅
Half-Half 双拼炸鸡 - 蜂蜜牛油炸鸡拼甜辣炸鸡薄脆浆锁住肉汁，做到真正嘅皮脆肉嫰，系个人暂时嘅No. 1 炸鸡。讲返味道，蜂蜜牛油味同卡乐X 薯片味道一样，个人就麻麻地。甜辣炸鸡甜辣平衡得好好，属于微辣（个人），系韩式口味。
蒜香蜜糖炸鸡蒜蓉＋蜜糖又香又甜，浓郁得嚟又唔会好腻，系我第二最爱。店内嘅炸鸡size 似春鸡咁大，所以一个人食一只都唔怕食唔晒（如果唔叫其他嘢嘅话😅）。
蟹肉海鲜薄饼（13吋）海鲜薄饼味道相对清淡啲，薄底仍旧松脆，啖啖芝士拉丝，但就普通咗少少。
食过返寻味，已经约定姊妹下次再嚟。
张贴
