影片
更多
2021-09-19
1431 浏览
上次食个姊妹店一直念念不忘，今次就嚟试吓呢一间有泰菜元素嘅，一样令人赞叹！👍🏻冬荫龙虾汤流心牛角包一上枱已经好香牛油味，轻轻切开，酥皮会慢慢碎落，然后奶黄色嘅汤汁就澎湃地流出！冬荫公嘅酸酸辣辣配上牛角酥系有意想唔到嘅味道惊喜，特别欣赏餐厅嘅辣度拿捏得非常好，并冇抢过龙虾汤嘅味道！👍🏻龙虾凤梨沙律沙律菜食得出有用心思调配过，每啖都甜甜地有啲蜜糖同凤梨汁嘅味道，仲有啲凤梨粒陪衬。龙虾蟹籽部分十分惊喜，蟹籽系一砖砖，咬落特别有口感，龙虾肉都唔少，成件事好新鲜清新。👍🏻龙虾汁蟹肉伊面虽然要加额外嘅$28，但系都物超所值！每啖伊面都挂满汁，汁方面确实好够龙虾味，又带点creamy ，而且有满多蟹籽、蟹肉、同炸蒜系当中，果然不负泰式风味，食到最后即使凉咗少少都唔会好干同杰晒。👍🏻玛莎曼咖喱和牛面颊和牛面颊份量好多，切开每旧都仲好粉嫩。食落好软林，肥脂适中，边位仲有好多软筋，咬完一啖成口充满牛味，但又唔会比咖喱汁抢咗风头，大推荐！至于成碟嘅精髓，就系玛莎曼咖喱，比起外间佢多咗种花生酱、麻酱嘅风味，令整体更浓郁惹味。而薯仔明显有用油泡过，好香口，送饭一流！👍🏻椰子雪糕配风干凤梨及紫糯米睇落虽然比较细杯
👍🏻冬荫龙虾汤流心牛角包
一上枱已经好香牛油味，轻轻切开，酥皮会慢慢碎落，然后奶黄色嘅汤汁就澎湃地流出！冬荫公嘅酸酸辣辣配上牛角酥系有意想唔到嘅味道惊喜，特别欣赏餐厅嘅辣度拿捏得非常好，并冇抢过龙虾汤嘅味道！
👍🏻龙虾凤梨沙律
沙律菜食得出有用心思调配过，每啖都甜甜地有啲蜜糖同凤梨汁嘅味道，仲有啲凤梨粒陪衬。龙虾蟹籽部分十分惊喜，蟹籽系一砖砖，咬落特别有口感，龙虾肉都唔少，成件事好新鲜清新。
👍🏻龙虾汁蟹肉伊面
虽然要加额外嘅$28，但系都物超所值！每啖伊面都挂满汁，汁方面确实好够龙虾味，又带点creamy ，而且有满多蟹籽、蟹肉、同炸蒜系当中，果然不负泰式风味，食到最后即使凉咗少少都唔会好干同杰晒。
👍🏻玛莎曼咖喱和牛面颊
和牛面颊份量好多，切开每旧都仲好粉嫩。食落好软林，肥脂适中，边位仲有好多软筋，咬完一啖成口充满牛味，但又唔会比咖喱汁抢咗风头，大推荐！至于成碟嘅精髓，就系玛莎曼咖喱，比起外间佢多咗种花生酱、麻酱嘅风味，令整体更浓郁惹味。而薯仔明显有用油泡过，好香口，送饭一流！
👍🏻椰子雪糕配风干凤梨及紫糯米
睇落虽然比较细杯，但制作绝对唔马虎。面头有酸甜凤梨干，仲有三球好重椰汁味、奶香嘅椰子雪糕，旁边附带一啲椰果，加埋下面嘅只糯米，简直绝配！
👍🏻饮品
🤍泰式奶茶：真系好地道嘅味道，茶同奶嘅比例恰到好处，冰量亦唔会过多，饮到最后唔会沟到变水，整体绝不过甜之余仲反而有茶既回甘。
🤍蜜桃芝芝特饮：面头薄薄一层咸咸地嘅奶盖，仲衬埋下层嘅粉红色蜜桃梳打铺咗啲玫瑰花瓣，绝对够igable～梳打方面酸酸甜甜，好清新，唔系普通糖浆嘅味道，值得一试！
张贴
