影片
更多
2021-06-26
65 浏览
HARA位于佐敦，餐厅装修型格，主色用咗黑色配上暖黄灯光，感觉好休闲轻松，同时亦都好引人注目，而且店内有半户外座位，适合用嚟影相打卡。餐牌好简洁干净，分门别类，选择都有好多，无论系食晚饭，又或者系饮酒happy hour嘅客人都可以满足到。先上前菜开胃。火炙鱼生薄片沙律底下嘅薄片睇落以为系牛肉，拎起一睇发现原来系油甘鱼，虽然切咗薄片但系依然食到半生熟嘅口感，烧嘅时间掌握得好好，虽然油甘鱼本身嘅油份唔系好多，但系火炙过之后都闻到淡淡嘅鱼油香，配上新鲜嘅蔬菜，个沙律好清新。日式炸白虾白虾炸至金黄色，咬落干身酥脆，简单咁加咗少许辣粉做调味，好惹味，送酒嘅话一流。蒜烤猪肋骨用蒜烤嘅方法去制作，采用左半肥瘦嘅肉，所以烤嘅过程令到猪肉嘅油脂香散发咗出嚟，另外肥肉嘅部份亦都唔算特别多，肉质好Juicy，加上葱丝一齐食，降低到个油腻感。睡蟹意大利饭以前好似系用原只蟹盖上，而家转左用碟上，有少少可惜，不过依然非常吸引，饭内食都有好多蟹肉丝，亦都有大量日蟹膏同埋三文鱼子，成个味道好浓郁，另外risotto个汁应该系用南瓜煮，所以每一口饭都带有少少南瓜嘅甜味，个味道有好多种层次，好配搭。椰皇焦糖炖蛋第一啖已
HARA位于佐敦，餐厅装修型格，主色用咗黑色配上暖黄灯光，感觉好休闲轻松，同时亦都好引人注目，而且店内有半户外座位，适合用嚟影相打卡。
餐牌好简洁干净，分门别类，选择都有好多，无论系食晚饭，又或者系饮酒happy hour嘅客人都可以满足到。
先上前菜开胃。
火炙鱼生薄片沙律
底下嘅薄片睇落以为系牛肉，拎起一睇发现原来系油甘鱼，虽然切咗薄片但系依然食到半生熟嘅口感，烧嘅时间掌握得好好，虽然油甘鱼本身嘅油份唔系好多，但系火炙过之后都闻到淡淡嘅鱼油香，配上新鲜嘅蔬菜，个沙律好清新。
日式炸白虾
白虾炸至金黄色，咬落干身酥脆，简单咁加咗少许辣粉做调味，好惹味，送酒嘅话一流。
蒜烤猪肋骨
用蒜烤嘅方法去制作，采用左半肥瘦嘅肉，所以烤嘅过程令到猪肉嘅油脂香散发咗出嚟，另外肥肉嘅部份亦都唔算特别多，肉质好Juicy，加上葱丝一齐食，降低到个油腻感。
睡蟹意大利饭
以前好似系用原只蟹盖上，而家转左用碟上，有少少可惜，不过依然非常吸引，饭内食都有好多蟹肉丝，亦都有大量日蟹膏同埋三文鱼子，成个味道好浓郁，另外risotto个汁应该系用南瓜煮，所以每一口饭都带有少少南瓜嘅甜味，个味道有好多种层次，好配搭。
椰皇焦糖炖蛋
第一啖已经闻到已经非常香嘅椰子味，食到最后见到个底就知道咩料，唔怪得咁香，因为啲弹药已经浸晒落去个椰子肉入面，觉得上面嘅焦糖烧得好脆，伴随椰子香好清新好特别。
煎芝士蛋糕配海盐焦糖汁第一次食煎嘅芝士蛋糕，每一口都好有层次感，仙仙系外表煎趣左嘅酥皮，然后就系芝士蛋糕绵滑嘅口感，配上海盐焦糖汁同埋一旁嘅生果，个口感好新鲜，好有创意。
张贴
