緣聚西日餐廳 (西裕街) (已結業)

同朋友去开元朗, 知道元朗有间放题，有西餐又有日式嘢食，仲有火锅，咁多选择，所以就来试下。餐厅位于元朗西裕街。一入到去店员已经即是量体温，仲非常细心俾咗个袋放口罩。有沙律吧，同大量火锅配料。餐厅环境宽躺，座位舒适。饮品有多款选择，仲有热饮。甜品柜有雪糕、雪条、乳酪、豆腐花，钟意食甜品嘅女士实拣到自己钟意食。刺身款式非常多，非常新鲜，鱼生肉质紧实，带油香，味道鲜甜。火锅蕃茄芝士火锅汤底，蕃茄味香浓，配上芝士味道丰富，牛肉肉嫩多汁，蚬非常鲜甜。寿司多款寿司，仲有啲非常特别嘅配搭，用料新鲜，饭稍带甜味。烧海鲜蚝身饱满，配上浓郁芝士，味道一流，虾爽口弹牙，鱼肉质鲜嫩。烧物烧嘅时间恰到好处，所有肉类肉嫩多汁，配上秘制酱汁，增添风味。最后食返个甜品，甜品甜度适中，非常完美。