L.D.K. by Ufufu Café (新都會廣場)

营业中

休息中

平时行葵广，通常都系扫街食到饱。今日约咗个好耐冇见嘅朋友食lunch，决定去新都会坐定定食个饭，交换下近况先再去葵广血拼。Lunch时间都几多人等位，我地12:45拎飞排第4张枱，好彩等咗15分钟左右就有位。今日我地一人叫咗一个lunch set，order沙律/主食，加廿蚊就可以跟个沙律，汤/饭，饮品。最怕饮唔冻唔热嘅汤，钟意呢个餐汤好够热。沙律份量好足，沙律汁酸酸甜甜好醒胃。意粉煮得好好，质感烟韧弹牙。蚬肉量算多，再配上本菇，个汁清清地唔错。意粉碟好靓好日系。日式咖哩汁甜甜地，唔辣，好浓郁，配上香嫩滑蛋，味道好夹，食到停唔到口，值得一提嘅系，入面唔系白饭，系蕃茄汁捞饭，好好味。唯一不足系，饭量比较少。****价钱方面，主菜价钱唔平，around hkd$78-198。环境方面，枱与枱之间嘅空间较小，倾计唔系几方便，我地拿拿临食饱走人。