影片
更多
2023-12-13
50 浏览
黎靓靓圣诞装饰既餐厅食午市套餐，set全部有包饮品、沙律或餐汤二选一，朋友点左温泉蛋忌廉卡邦尼意粉，配YUZU SODA，意粉份量十足，而且中意佢烟肉脆脆增加左口感，温泉蛋等啲蛋浆流出黎，同意粉mix埋一齐就更加细滑好食，仲有芝士蘑菇调味，梳打好清爽，甜甜既橘子味，是日餐汤系蕃茄汤，朋友清到一滴不留，话蕃茄味浓郁，我就拣左沙律，蔬菜同样新鲜，酸甜汁够开胃，主菜我则点左生姜烧黑豚猪颈肉和风冷乌冬，想讲个冷乌冬汁啱晒我口味，清甜啲，搭配厚切猪颈肉，较浓味既食材系完美既拍挡，而且猪颈肉用蜜汁烧过，非常惹味，肉质弹牙juicy，黑芝麻拿铁拉花好靓，证明拉花师有经验，即刻影张相，芝麻味香浓creamy，冬天饮暖胃舒服！赞下staff好friendly，服务good good!
张贴
