King's & Queen's 冰室 (已結業)

今次朋友揸車，所以我哋搵一啲比較特別嘅餐廳食下慶祝生日，嚟到西沙公路泥涌村嘅一家新餐廳，估唔到有咁高質嘅中菜，令人驚喜萬分。西湖牛肉羹真材實料，好多芫荽，味道好香，啱晒我呢啲芫荽發燒友，另外個湯嘅質地調校得非常之好。風沙茄子呢個煮法第一次食，脆卜卜好香口，入邊有茄子軟林林嘅質地，多重口感非常好食。蠔仔煎蛋啲蠔仔非常大粒，煎蛋做得夠仔細，蛋嘅質地控制得唔會太硬太乾。椒鹽鮮魚尤魷魚非常新鮮，配上炸趣卜卜，真係香口嘅送酒小食。令人好興奮又開心！炸子雞半隻雞皮咋得非常香口，雞肉好啊，真係煮得好食！呢度7:30就開門，所以有早餐食，下次一於嚟食個早餐，再喺附近行吓沙灘郊遊，應該係一個幾唔錯嘅relax之旅。