影片
更多
2024-12-31
161 浏览
圣诞佳节多聚会，去朋友屋企点可以两手空空？最近V city开咗一间西式烧味店，趁着聚会人多，可以试多啲唔同嘢食。新张期内所有热食仲有八折添。德国咸猪手 （大）$108:咸猪手有大同特大两个size，我地呢只系大嘅。咸猪手用左18种卤料浸泡24小时再烧，啲肉非常入味，咸香得嚟又唔会太腻，有轻轻烟熏嘅香味，肥瘦均匀，个皮烧到金黄色，脆卜卜，咬落好松化，配埋芥末酱，令人一块接一块咁食。香草法式烧春鸡 $68:春鸡有好几只味，古法，蒜香南乳同香草。价钱由＄68至＄75不等。我地试左香草，春鸡皮薄肉多，鸡皮都好脆身，鸡肉嫩滑，带轻轻香草味，咬落去仲有好多肉汁流出黎，十分juicy，简直系无得顶呀。黑糖烤猪颈肉 （细）$55:猪颈肉有细同大两个size，呢份系细嘅。加入黑糖烤过嘅猪颈肉香喷喷，卖相好有光泽，肉质软滑，黑糖嘅甜味渗透咗入肉里面，食落甜中带点咸香，非常特别。麻辣猪耳 $46:听闻佢地嘅麻辣系列都好出名，所以想试佢地嘅猪耳。猪耳整得够淋，入口爽口弹牙，配埋香浓嘅麻辣汁，不论送饭定系做佐酒小食都简直一流呀。店员好细心地问我地啲烧味几时会食，知我地唔系即食，仲派左张卡仔教我地点翻热，真系细心
最近V city开咗一间西式烧味店，趁着聚会人多，可以试多啲唔同嘢食。新张期内所有热食仲有八折添。
德国咸猪手 （大）$108:咸猪手有大同特大两个size，我地呢只系大嘅。
咸猪手用左18种卤料浸泡24小时再烧，啲肉非常入味，咸香得嚟又唔会太腻，有轻轻烟熏嘅香味，肥瘦均匀，个皮烧到金黄色，脆卜卜，咬落好松化，配埋芥末酱，令人一块接一块咁食。
香草法式烧春鸡 $68:
春鸡有好几只味，古法，蒜香南乳同香草。价钱由＄68至＄75不等。
我地试左香草，春鸡皮薄肉多，鸡皮都好脆身，鸡肉嫩滑，带轻轻香草味，咬落去仲有好多肉汁流出黎，十分juicy，简直系无得顶呀。
黑糖烤猪颈肉 （细）$55:
猪颈肉有细同大两个size，呢份系细嘅。
加入黑糖烤过嘅猪颈肉香喷喷，卖相好有光泽，肉质软滑，黑糖嘅甜味渗透咗入肉里面，食落甜中带点咸香，非常特别。
麻辣猪耳 $46:
听闻佢地嘅麻辣系列都好出名，所以想试佢地嘅猪耳。
猪耳整得够淋，入口爽口弹牙，配埋香浓嘅麻辣汁，不论送饭定系做佐酒小食都简直一流呀。
店员好细心地问我地啲烧味几时会食，知我地唔系即食，仲派左张卡仔教我地点翻热，真系细心呀。
张贴
