九州鯛魚 (已結業)

太安楼又开新食店喇今次系日式餐厅，上星期朋友whatapps我话经过左一间日式餐厅系新开架，行过仲有好香鱼汤味飘出黎，我听完觉得咁坚，即刻上网揾下系食啲咩先。原来餐厅卖点系用鲷鱼汤底，睇完劲想食呀！第二日就即兴约埋个朋友去试试啦自问一向我咁钟意饮汤ge人黎讲一定会去试下咩料先，同埋我对鱼汤都有一定要求架，因为都怕会好腥。入到店装修都舒服，冷气充足，环境唔错。坐低后拿拿声睇下有乜食，哗！哗！哗！好多野拣呀！最后我就拣左<江户豚肉鲷鱼汤乌冬>,朋友就拣左<鲍鱼花胶鲷鱼汤乌冬>，野食份量好足够，汤底唔腥，好浓鱼味，好好饮。由于我5:45pm就到左餐厅仲赶得切系叫午餐所以就可以免费有杯餐饮。😂😂午市去到6:00pm。但晚市价钱一样只系冇左杯野饮姐。总括黎讲系好食的，会回头食呀，好挂住个汤底呀。