影片
更多
2022-01-25
106 浏览
西湾河SOHO区好多酒吧餐厅，我哋呢次就去咗有好多分店嘅Salted Pig。佢哋系食猪嘅专家，用料上乘，食物份量又大，CP值极高。而除咗猪嘅菜式佢哋其他都做得好好。芝士牛堡三文治：呢个三文治邪恶到极，咗佢入面有满泻嘅热溶芝士之外，仲有带焦香味嘅牛肉汉堡，汉堡肉汁满满仲有好浓嘅牛味，最后佢哋三文治嘅面包都有浓郁嘅牛油香味。而佢哋仲有配菜薯条，即叫即炸，热辣辣脆卜卜。招牌手撕BBQ猪肋骨三文治（无骨）：佢哋原本嘅猪肋骨都经已好吸引，用秘制嘅烧烤酱烤制，肉质软稔，又够哂入味，甜甜带少少辣味，极为惹味，而三文治入面仲有腌制过嘅紫椰菜丝，令整体口感味道层次变得更为丰富。猪皮脆片 牛油果酱：香脆无比嘅猪皮用咗香辣嘅调味，惹味非常，亦可以蘸佢哋嘅牛油果酱，可以中和猪皮所带嘅油腻感。胖猪猪二人分享早餐：呢个系Brunch先有，入面有好多嘢，包括猪腩肉，黑布丁，英式香肠，烟肉，四只太阳蛋，苏格兰溏心炸鸡蛋，炒杂菌，番茄，茄汁焗豆，多士同埋牛骨髓。而入面最特别最具特色一定系牛骨髓。佢哋一大条牛骨咁上台，上台都闻到好浓嘅牛味，油香劲香，又有浓郁嘅牛味，因为有多士又唔会令牛骨髓变得太腻，所以加埋多士一齐食就
西湾河SOHO区好多酒吧餐厅，我哋呢次就去咗有好多分店嘅Salted Pig。佢哋系食猪嘅专家，用料上乘，食物份量又大，CP值极高。而除咗猪嘅菜式佢哋其他都做得好好。
芝士牛堡三文治：呢个三文治邪恶到极，咗佢入面有满泻嘅热溶芝士之外，仲有带焦香味嘅牛肉汉堡，汉堡肉汁满满仲有好浓嘅牛味，最后佢哋三文治嘅面包都有浓郁嘅牛油香味。而佢哋仲有配菜薯条，即叫即炸，热辣辣脆卜卜。
招牌手撕BBQ猪肋骨三文治（无骨）：佢哋原本嘅猪肋骨都经已好吸引，用秘制嘅烧烤酱烤制，肉质软稔，又够哂入味，甜甜带少少辣味，极为惹味，而三文治入面仲有腌制过嘅紫椰菜丝，令整体口感味道层次变得更为丰富。
猪皮脆片 牛油果酱：香脆无比嘅猪皮用咗香辣嘅调味，惹味非常，亦可以蘸佢哋嘅牛油果酱，可以中和猪皮所带嘅油腻感。
胖猪猪二人分享早餐：呢个系Brunch先有，入面有好多嘢，包括猪腩肉，黑布丁，英式香肠，烟肉，四只太阳蛋，苏格兰溏心炸鸡蛋，炒杂菌，番茄，茄汁焗豆，多士同埋牛骨髓。而入面最特别最具特色一定系牛骨髓。佢哋一大条牛骨咁上台，上台都闻到好浓嘅牛味，油香劲香，又有浓郁嘅牛味，因为有多士又唔会令牛骨髓变得太腻，所以加埋多士一齐食就最啱。
张贴
