呂錦記手撕雞專門店 (筲箕灣道)

营业中

休息中

西湾河出名多好嘢食， 今日试咗吕锦记手撕鸡做lunch, 我自己就叫咗虫草花水晶鸡$88 半只（ 即叫即整热需时 六分钟左右）， 感觉好养生🤣， 阿仔就叫咗 青瓜酱去皮手撕鸡$68（ 两只辣椒 嘅辣度）， 佢个餐即刻叫即刻有， 但系佢都陪住我等， 佢自己都忍唔住偷食咗， 因为实在太香， 𠮶度个姨姨仲问佢辣唔辣， 如果食得辣可以 下次 挑战佢哋嘅 印度 魔鬼辣， 等嘅时候都不断有人买唔同味道嘅鸡， 仲有多款小食 鸡爪，鸡肾，鱼皮花生 ，中华沙律等等（$26份）， 见佢喺雪柜入面都几大分， 我只 虫草鸡 拎到返屋企仲热辣辣，保温真系做得好好 ， 撕开鸡髀又滑又多汁 ， d肉系爽滑㗎 ， 所以都肯定唔系雪藏鸡 ，咸咸香香真系超好食， 自己都食咗两碗饭 阿仔 𠮶份 青瓜 手撕鸡 ， 又好惹味辣辣地 ， 青瓜够爽脆 ，佢话下次一定要挑战佢哋嘅印度魔鬼辣！我都要谂定下次 食边款好🤔🤔 你哋有好介绍话我知， 不过我下次一定会 叫埋 鸡肾， 鸡爪， 因为今日返到屋企好后悔点解冇叫， 佢哋啲嘢真系有水准， 最好系食完冇口渴 ，唔会系味精鸡果只。赞！