合時小廚 (裝修中)

早排系白子当做嘅季节，大胆同厨房要求要自携做一个麻婆豆腐嘅升级版，厨房竟然要求而且仲比我埋位添😂 咁顺手来料加工日本鬼爪螺啦！点都好，呢一度嘅出品好稳定。餐牌可以选择嘅菜式唔算好多，始终厨房唔够大，未必应付到太多唔同花款嘅煮法，但系假如有特别要求都可以有轻微改动。好多时候观众都会问我有啲乜嘢值得食，其实最值得食嘅就系最基本一路以来嘅热门菜式，包括鸡油花雕蒸马友，XO酱炒蟹肠粉底，虾多士，牛尾煲，豉油王炒面等等。今次食嘅其实同虾多士差唔多，只不过转咗做锅贴小棠菜，上次食完花锦鳝，今次试吓蒸鱼云，点知出嚟嘅效果超乎想像，大大嚿好好食。👍👍其实食小炒小菜呢啲嘢，最紧要够火候够味道趁热食已经加晒分，佢哋冇特别追求极致嘅摆盘，因为时间一来温度就会减，上到嚟可能已经唔系应有嘅味道。呢度除咗食物出品味道好食之外，侍应嘅人情味都系好值得一提，虽然唔系星级水准，但系每一次嚟食都食得，非常之开心！唔知几时开始订枱，可以要半年以上，但系可以食嘅就趁机会系卖盘之前食，各位街坊唔知有冇食过呢？