影片
更多
2024-04-08
151 浏览
趁住放假，揾番啲旧朋友一齐食饭。已经好一段时间无去西营盘，有啲餐厅都换咗。今日试下新嘢 A.O.M 😋对哩个铺位一啲都唔陌生，佢嘅前身系食西餐，半酒吧感觉嘅餐厅，以前都食过一次。餐厅格局同以前差唔多，都系一入去就系吧格位，沿住走廊有几张细枱，最后面有户外位。户外位都几靓，装咗一把大嘅太阳伞，但叫职员无咁方便。Lunch set 有两款，西式或者日式。西式的话，包汤 / 沙律、主食、一杯果汁；而日式就会有前菜、小食、主食，饮品就要另外加。今次同朋友同样都系拣咗日式。珍珠米饭 + 明太子玉子烧 + 烧汁牛肉汉堡 + 蒲烧北海道帆立贝 ($135)稻庭乌冬 + 辣味三文鱼 + 烧汁牛肉汉堡 + 香脆日本竹荚鱼 ($135)日式午餐摆盘好靓，每样都做得精致。个烧汁汉堡好 juicy，唔会有好多肥肉。汉堡本人调味唔系好咸，点埋烧汁一齐食，味道岩岩好。帆立贝就稍为干咗少少，但都可以接受。竹荚鱼炸得松脆，但又唔会食到成口油👍🏻最紧要系无乜骨🐟😂成份午餐都整得好食，不过份量唔算多，男士可能唔够食，要加小食。餐厅空间唔大，二人枱喺吧枱对面，就有啲逼，加上条走廊系所有客人同职员嘅必经之路，所以感觉有啲繁忙
已经好一段时间无去西营盘，有啲餐厅都换咗。
今日试下新嘢 A.O.M 😋
对哩个铺位一啲都唔陌生，佢嘅前身系食西餐，半酒吧感觉嘅餐厅，以前都食过一次。
餐厅格局同以前差唔多，都系一入去就系吧格位，沿住走廊有几张细枱，最后面有户外位。
户外位都几靓，装咗一把大嘅太阳伞，但叫职员无咁方便。
Lunch set 有两款，西式或者日式。
西式的话，包汤 / 沙律、主食、一杯果汁；而日式就会有前菜、小食、主食，饮品就要另外加。
今次同朋友同样都系拣咗日式。
珍珠米饭 + 明太子玉子烧 + 烧汁牛肉汉堡 + 蒲烧北海道帆立贝 ($135)
稻庭乌冬 + 辣味三文鱼 + 烧汁牛肉汉堡 + 香脆日本竹荚鱼 ($135)
日式午餐摆盘好靓，每样都做得精致。
个烧汁汉堡好 juicy，唔会有好多肥肉。
汉堡本人调味唔系好咸，点埋烧汁一齐食，味道岩岩好。
帆立贝就稍为干咗少少，但都可以接受。
竹荚鱼炸得松脆，但又唔会食到成口油👍🏻
最紧要系无乜骨🐟😂
成份午餐都整得好食，不过份量唔算多，男士可能唔够食，要加小食。
餐厅空间唔大，二人枱喺吧枱对面，就有啲逼，加上条走廊系所有客人同职员嘅必经之路，所以感觉有啲繁忙。
职员服务唔错，可以好快回应客人，会定时定候帮客人加水。
不过记得要预先订位，见到有啲walk in 客都无得食。
张贴
