魚味市場居酒屋 (已結業)

西环而家愈开愈多食肆，食为一个为食的人，最开心就系见到屋企附近有好多唔同既餐厅选择。呢间日本料理新开冇耐，衬住呢排得闲食晏就去试试。一坐低就当然叫番两串串烧食下先，烧豆腐用左硬豆腐，食落豆腐香味几浓。配上大量木鱼碎，香气吸引。呢度竟然有好少食到既鸡颈肉，当然要试下啦。鸡颈肉好嫩滑，啖啖都系嫩肉，好爽呢个海鲜丼饭，劲足料！牡丹虾最正，大大只又甜又新鲜。所有鱼料都真心好新鲜，呢一点已经可以解释到呢个丼饭系真心好食！叫个师傅发板既寿司拼盘，白身鱼丶鱼油重的吞拿丶蛋寿司样样都齐全，唔错唔错香港主要食到既都系关西的生烧鳗鱼，比较少食到关东既酱汁烧鳗鱼。可能因为咁，香港厨师对关西式既烧鳗鱼都比较有技巧。叫左份蒲烧鳗鱼(148)，有D惊喜！有别于平时鳗鱼切件都系大大份，呢度切得比较细件，原因系咩？一食就知道！呢度的鳗鱼肉质都好结实又弹牙，如果切得大件的话反而会比较难咬。但系切得细细份，反而可以感受到佢弹牙的口感同埋鱼肉的味道。酱汁唔会太浓或者太结，呢个鳗鱼真心系唔错。