影片
更多
2023-03-26
38 浏览
之前帮衬过高街𠮶间贴地小店「两草」，食物抵食又高质，性价比极高。早排路过，见同一位置新开咗间「巴刹鸡饭」，今日喺附近做嘢，专登过嚟食个 late lunch。餐厅地方不大，设计平实，以旧式圆形台櫈为主，营造出昔日大牌档风情。餐牌很简单，一页过，有鸡、猪、饭类、捞面、汤面、小食和饮品等，选项一目了然。点咗巴刹鸡饭同净皮蛋饺，另外再加咗几款小食。巴刹鸡饭 ($58，+$13 转鸡髀)，鸡髀肉好煞食，肉质超嫩滑，鸡皮唔会积聚过多脂肪，入口啖啖肉又有鸡味。油饭香软度亦啱啱好，粒粒分明有饭香。跟饭嘅冬瓜汤，味道亦唔错，内有冬瓜粒，可以落啲餐厅自家秘制嘅香脆胡椒粒一齐饮，滋味又暖胃。山打根皮蛋饺 ($46) 饺子皮薄馅多，入面包裹住剁碎猪肉同鲜香皮蛋，猪肉以瘦肉为主，脂肪含量少，肉中无筋且腍滑，同甘香嘅皮蛋好夹。炭烧沙嗲猪肉串 ($48) 猪肉串火候控制得相当好，用迷你炭炉盛上，外层带焦香，内里肉质保持嫩滑，蘸沙嗲酱吃，浓香惹味。菜脯蛋炒萝卜糕 ($32) 萝卜糕炒得好香口，糕身唔会太过绵软，食落有好重萝卜味，加上厨师落咗鸡蛋同菜脯嚟炒，入口咸咸香香，劲惹味。饮品点咗餐厅自家炮制嘅丹南咖啡
之前帮衬过高街𠮶间贴地小店「两草」，食物抵食又高质，性价比极高。早排路过，见同一位置新开咗间「巴刹鸡饭」，今日喺附近做嘢，专登过嚟食个 late lunch。
餐厅地方不大，设计平实，以旧式圆形台櫈为主，营造出昔日大牌档风情。
餐牌很简单，一页过，有鸡、猪、饭类、捞面、汤面、小食和饮品等，选项一目了然。点咗巴刹鸡饭同净皮蛋饺，另外再加咗几款小食。
巴刹鸡饭 ($58，+$13 转鸡髀)，鸡髀肉好煞食，肉质超嫩滑，鸡皮唔会积聚过多脂肪，入口啖啖肉又有鸡味。油饭香软度亦啱啱好，粒粒分明有饭香。
跟饭嘅冬瓜汤，味道亦唔错，内有冬瓜粒，可以落啲餐厅自家秘制嘅香脆胡椒粒一齐饮，滋味又暖胃。
山打根皮蛋饺 ($46) 饺子皮薄馅多，入面包裹住剁碎猪肉同鲜香皮蛋，猪肉以瘦肉为主，脂肪含量少，肉中无筋且腍滑，同甘香嘅皮蛋好夹。
炭烧沙嗲猪肉串 ($48) 猪肉串火候控制得相当好，用迷你炭炉盛上，外层带焦香，内里肉质保持嫩滑，蘸沙嗲酱吃，浓香惹味。
菜脯蛋炒萝卜糕 ($32) 萝卜糕炒得好香口，糕身唔会太过绵软，食落有好重萝卜味，加上厨师落咗鸡蛋同菜脯嚟炒，入口咸咸香香，劲惹味。
饮品点咗餐厅自家炮制嘅丹南咖啡 (+$15) 同 白桃乌龙冷泡茶 (+$12)。咖啡甘醇柔和，香浓又唔苦涩；冷泡茶茶味十分清幽，带淡淡白桃香。
最后嗌咗个咖央椰丝手抓饼 ($28) 做甜品，卖相几吸引，圆形一大块，饼皮煎得很香脆，面头涂满了咖央酱，再洒上花生碎粒同椰丝，食落好有咬口，甜而不腻。
张贴
