Granville Island Hong Kong (已結業)

哗N年冇嚟过西环，自港岛线开通西营盘站之后，交通便利咗好多，好多新派餐厅选择系呢区开业！今日嚟到西环高街，呢一段100多米嘅路段就有十几间餐厅系度，真系花多眼乱。最后比呢间餐厅 GRANVILLE ISLAND 嘅正门手工啤酒生啤头吸引咗，入到嚟先知原来瓶装手工啤酒仲多，有60几种选择。呢次真系睇到都有D醉！同行朋友系加拿大人，即刻大讲GRANVILLE ISLAND既来头，仲话要即刻嚟支GRANVILLE ISLAND出产嘅手工啤酒！Granville Island Lager 5% $68而我就选择咗纽西兰嘅 Tuatara APA Pale Ale 5.8%, 味道比较浓郁，适合重口味嘅我！有酒又岂能冇肉呢，特大水牛城火辣鸡翼 $68 朋友大谈旧时喺加拿大睇HOCKEY可以一个人食几打BUFFALO WING，呢道嘅侍应即刻同我朋友讲叫佢试咗先讲啦！一试完朋友大赞个SAUCE好正宗，辣味适中同埋真喺比加拿大嘅大只好多(好彩冇听佢讲叫两份)！今次就试住咁多先，朋友已经话下次要约埋班加拿大朋友嚟聚会一吓！