泰誇張

营业中

休息中

今日同朋友嚟到西环突然想食泰国嘢就嚟试吓呢一间餐厅 入到去间餐厅发现啲装修都好复古好岩打卡影相😚首先嚟嘅系柚子虾沙律沙律嘅卖相好靓，有满满嘅柚子 虾嘅数量都唔少柚子好清甜配上佢酸酸辣辣嘅酱汁，估唔到有几夹㖞 仲有啲干葱同炸蒜令到口感觉得更有层次 椰汁鸡汤 佢饮落有椰子味，但系又有啲似系冬阴功汤咁样 入面好足料有好多菇同埋鸡肉 喺咁冻嘅天气饮落好暖胃烧猪肉串呢个烧得好惹味肉质唔会好嚡 配上佢辣辣地嘅酱汁相当惹味 呢个好推介 南瓜咖喱海鲜炒饭佢嘅咖喱唔系平时嘅黄咖喱咁样 比较系比较浓同有质感 入边海鲜数量都唔少有青口有虾同埋鱿鱼 好夹佢嘅咖喱味而炒饭都炒得甩甩分明好香口 加上清甜嘅南瓜衬托系一个好好食嘅咖喱炒饭咸蛋炸鱿鱼佢一上枱已经闻到好香嘅咸蛋黄味 炸粉唔会太厚鱿鱼都相当新鲜同弹牙 咸蛋黄酱都好足够，如果钟意食咸蛋黄嘅一定要试吓跟住我哋仲叫咗两杯香茅茶 好啱食完啲咁重口味嘅嘢饮下 暖下个胃最后仲叫咗热情果椰子椰汁啫喱糕 佢系比较清甜爽口 口感有啲似大菜糕好食