La Postre (厚福街) (已結業)

今晚心血来潮突然想食一餐特别嘅菜式,唔想食中式又唔想食平日嘅西餐，就选择咗食西班牙餐。从来都未食过西班牙餐，今日经过尖沙咀，见到一间装修得几靓嘅西班牙餐厅，外围系蓝色装修，好有欧陆式风味的餐厅。首先我哋点左一碗鲜茄蟹肉忌廉浓汤，个汤几好饮好多蟹肉蕃茄香浓。之后我哋叫咗蒜香鸡翼，芝士蟹肉煎饼，炸鱿鱼圈，黑松露蟹肉炖饭。蒜香鸡翼冇咩特别，但几好食鸡肉嫩滑，炸鱿鱼圈冇咩特别，粉浆可以再薄身一点，黑松露蟹肉炖饭好食香浓黑松露味道，忌廉口感不会太浓。但最失望比较系芝士蟹肉煎饼，煎饼冇芝士味同埋冇乜蟹肉，比较似干身嘅煎蛋饼，总括呢一餐其实唔太觉得系西班牙餐，比较似平常出面食嘅西餐，冇乜特别，价钱还可以。