Tapas Brew (Mikiki)

营业中

休息中

依家去唔到旅行，但系又想过下旅行瘾，究竟可以点做呢？就系食当地菜式啦，呢次我地黎到新蒲岗Mikiki商场地下嘅西班牙餐厅食晚饭。首先，我地叫左生蚝做头盘，吱啲柠檬汁落去提升鲜味，蚝肉都大细适中。之后，罗马生菜包牛小排系好精美，牛小排切成好似一粒一粒骰仔咁，内里系粉嫩，外皮仲烧得好香。主食方面，烤特色乳猪配香菇鸭肉烩饭，呢个餐店员系用一块大木板装载住乳猪同埋烩饭。乳猪皮脆，唔肥腻，有青苹果酱同秘制乳猪酱去点乳猪肉，而烩饭每粒米都吸收了酱汁，每一啖饭都系好入味。整体上，呢间店环境舒适，仲有西班牙实境照做墙纸，令到客人好似去左当地一样，而味道方面都几岩香港人食，真系满足到我嘅旅行瘾。