Playa de Papagayo (已改名) 查看

琴日难得唔洗OT, 于是相约友人到尖沙咀既playa de papagayo一齐happy hour下。餐厅好近港铁出口，一上来就见到，好易揾，六点几来到唔洗等位添！餐厅走西班牙风，大部分都系高枱高凳，岩哂黎chill既我地。先点了一客西班牙烤乳猪件配自家制酸椰菜薯蓉。本身我怕会好似平时食既乳猪咁肥，点知依度既烤乳猪件岩岩好，层皮唔会好㶶，一咬落去啲肉汁出哂黎，加埋酸椰菜解腻，推介呀！之前友人推介过依度既pizza, 今次一于试下四式芝士薄饼。四种唔同既芝士mix埋一齐真系好香好浓，岩哂我依啲芝士控，pizza饼底唔厚，同芝士比例刚刚好。如果多一两个人share就perfect啦！另外仲点了一客黑松露野菌意大利扁面。黑松露好足料，成碟意粉唔会好干身，值得一试。话明黎happy hour, 当然要饮返杯。钟意饮tequila 既我点左chupa cabra, 加左橙同青柠，唔会好甜，收工后小酌一杯最适合不过。