影片
更多
2020-12-06
45 浏览
星期日出街去积福大厦。西班牙啲嘢食都好正。Drinks 🐯 Before sunrise (Gin and Tonic) ($108): Red currant, mixed berries & rosemary 网上见到呢杯嘢好靓，个名都好靓所以叫咗，可见我系啲肤浅嘅女人。佢嚟到真系好靓，我日日都日出之前起身，平日而论佢真心靓过日出之前。酒味比较淡，怕酒味浓嘅朋友都可以试下。Estrella Damm - Pilsner lager - Spain ($88)朋友话想饮啤酒我就叫佢试下西班牙生啤。啤酒好香醇甘甜、又大杯，我朋友饮唔晒，我帮佢饮埋另一半。我都系中意啤酒多啲。生啤酒是未灭菌直接由发酵的桶中装取，生啤酒比熟啤酒更加新鲜清爽，其味道鲜美。(WIKI) Estrealla damm 源自西班牙巴塞隆拿。
Tapas 🐯Foie Gras Lollipop ($78)一开似谂鹅肝点棒棒呢，细细粒拮食好可爱。口感细腻、嫩滑，入口即化、回味留甘。Octopus Carpaccio slow-cooked ($78)八爪鱼切得几薄，刀工好。咬落去鲜嫩弹牙，加埋佢个蕃茄酱食好正。Jamó
Drinks 🐯
Before sunrise (Gin and Tonic) ($108): Red currant, mixed berries & rosemary
网上见到呢杯嘢好靓，个名都好靓所以叫咗，可见我系啲肤浅嘅女人。佢嚟到真系好靓，我日日都日出之前起身，平日而论佢真心靓过日出之前。酒味比较淡，怕酒味浓嘅朋友都可以试下。
Estrella Damm - Pilsner lager - Spain ($88)
朋友话想饮啤酒我就叫佢试下西班牙生啤。啤酒好香醇甘甜、又大杯，我朋友饮唔晒，我帮佢饮埋另一半。我都系中意啤酒多啲。生啤酒是未灭菌直接由发酵的桶中装取，生啤酒比熟啤酒更加新鲜清爽，其味道鲜美。(WIKI) Estrealla damm 源自西班牙巴塞隆拿。
Tapas 🐯
Foie Gras Lollipop ($78)
一开似谂鹅肝点棒棒呢，细细粒拮食好可爱。口感细腻、嫩滑，入口即化、回味留甘。
Octopus Carpaccio slow-cooked ($78)
八爪鱼切得几薄，刀工好。咬落去鲜嫩弹牙，加埋佢个蕃茄酱食好正。
Jamón ibérico- 24 months ($88)
即系黑毛猪火腿，呢个系西班牙旅行嘅回忆，虽然咸但日日食。𠮶时食都唔平，呢到$88都有十块左右、摆盘又靓，食落有西班牙嘅感觉。
Mussels with Chorizo & Cherry Tomatoes ($88)
呢个青口好新鲜，份量都多又大只。底下仲有啲番茄肉碎好开胃，系比较少见嘅配搭。
Main courses 🐯
Seafood paella (for two) ($188)
除咗黑毛猪火腿，海鲜饭都系西班牙旅行嘅回忆，𠮶时差唔多日日都食（自己煮）。呢个当然好食过我自己煮𠮶啲好多。呢个饭超香超足料，有大虾青口同埋蚬，啲海鲜都有新鲜嘅海水味。我中意加少少柠檬汁落个饭到食。
Grilled US Prime Ribeye steak in pink peppercorn cream sauce with LAZY tortilla de patata ($218)
呢一碟牛排又红又绿，好有圣诞气氛。我地叫咗五成熟一上碟就切开咗，方便废青，仲见到中间肉嘅红色、冇overcooked。食落好软一啲都唔老，个汁都几特别同块肉好夹。作为配料嘅Tortilla都好食，我中意点埋个汁食。
好挂住系西班牙嘅生活，挂住西班牙嘅风景、西班牙嘅嘢食、西班牙嘅博物馆、西班牙嘅沙滩、西班牙嘅阳光，最紧要系西班牙嘅靓仔。
张贴
