Sueno (已結業)

今次去呢间Sueno环境唔错，墙身都系以灰色作主调，气氛浪漫。餐厅环布布置别具心思。点左一个温泉蛋薯丝，薯条切到好幼，口感好酥脆，加埋火腿一齐食简直系perfect match，食到停唔到口。薯蓉波波有两款口味，分别系黑毛猪火腿波同香炸蟹波，波波咬落去，外面好脆，里面软糯，4粒波波分别充满蟹肉又有火腿咸味的，真材实料尽在一球。黑松露薯条加埋酱料，同平时食嘅薯条完全唔同。淡淡嘅黑松露味，再加上柠檬嘅酸味，味道特别。西班牙海鲜炖饭分别有鱿鱼、蚬、虾、带子。带子味大又鲜甜，虾都好爽脆。炖饭嘅味道都好独特，可以一试。甜品部份，叫咗个甜品拼盘，啱晒有选择困难症嘅你。心太软焗得时间啱啱好，切开之后，啲朱古力酱流晒出嚟，加埋云呢拿雪糕一齐食，口感丰富，蓝莓芝士蛋糕口感软滑，食晒成个都唔会济。