El Cerdo (大壩街) (已結業)

向荃湾广场睇完戏，所以就向附近揾食，之前见过一间几靓嘅餐厅，行过去睇下原来系一间西班牙餐厅，好少食西班牙菜，咁一于入去试下先。餐厅装修好有格调，感觉好grand 。餐牌选择唔算太多，但全部都好特别。餐厅而家做紧happy hour Sangria 买一送一, 当然叫返杯饮下啦！Red Sangria 果味香浓，好易入口！炸黑毛猪火腿球外层炸到金黄酥脆，内里薯蓉软滑，火腿咸香惹味，加上他他酱汁，可以减低油腻感，配酒一流！脆皮猪腩肉配蜂蜜蛋黄酱猪腩肉外皮脆卜卜，猪肉鲜嫩，蛋黄酱感觉似薯泥，仲好香甜。El Cerdo 招牌西班牙炒饭用上大量海鲜煮成，炒饭海鲜味香浓，鱿鱼爽口弹牙，虾肉鲜甜，青口鲜嫩多汁，而且仲加上脆肉，材料真系好丰盛。餐厅环境高雅，有格调，真系好适合几个好朋友把酒言欢，吹吹水。