Cocina 3 Tapas Restaurant & Bar (已結業)

系奥海城行街俾门口个女仔吸引左，佢好热情同落力😂一坐低侍应就会俾nachos，不过要收$40《半份西班牙海鲜炒饭 $168》本身谂住叫一个西班牙炒饭，但系咁就会试少咗其他嘢食，好彩侍应提我地可以叫半个西班牙炒饭。虽然无得原锅上，但成个海鲜炒饭材料十足，当中有青口，大虾，蚬肉，鱿鱼等，包你每一啖饭都有海鲜。《西班牙香烧乳猪仔 $98》西班牙香烧乳猪仔同平时中式乳猪冇乜分别，但呢个食法系加咗青瓜，蕃茄同蒜蓉包一齐食。《古秘鲁海鲜沙律 $128》秘鲁海鲜沙律有生鱼Ceviche (酸橘汁腌鱼)，八爪鱼仔，青瓜，沙律菜，元贝仔。酸酸地几开胃，Ceviche 肉质比较实。《西班牙小食拼盘 $148》间野叫Tapas，小食应该唔错，小食有辣肠，菇，芝士波，蟹饼。个人最喜欢𠮶个西班牙沙律酱。