Tapas Brew (Greenfield Plaza) (已搬遷) 新店位置

今日同朋友黎到大埔的Tapas Brew食西班牙晚餐。叫左特色烤乳猪，乳猪外脆内嫩，猪皮烤得好香，配一个带甜的酱汁一齐食非常之夹。猪肉亦相当嫩口，里面带点肉汁，唔会太干或太嚡 。主食就叫左西班牙黑毛猪风干火腿野菌阔条面，份量好足，面质弹牙，但阔条面个人略嫌太硬身。而黑毛猪风干火腿就非常好食，火腿带油香，肥而不腻，火腿的咸香配阔条面可以令味道更上一层。小食方面就叫左地中海式炸鱿鱼圈，鱿鱼圈个人觉得炸粉太厚，但卖相相当吸引，口感香脆，配上柠檬蒜香蛋黄酱一齐食，微酸的酱汁相当开胃。第二款小食叫左西班牙辣肉肠炒蛋配脆马铃薯丝，辣肉肠好食，辣度适中，但炒蛋就唔够滑，而马铃薯丝亦都唔够脆，所以呢个小食整体上就一般，唔太推荐。另外都仲有少量甜品，但太饱的关系所以无试到。