影片
更多
2019-07-15
141 浏览
同屋企人食饭，佢地拣咗食呢间喺太子既西班牙餐厅。餐厅喺「酒吧街」，地点方便，喺太子站行过去都只系1个街口距离。餐厅唔大，只有大约10张枱，坐得舒服但缺点系会有烟味由出面飘入餐厅。由于系Happy hour，我地一坐低就嗌咗d手工啤酒，相入面既1、2、3号都系当时嗌，1、2号系侍应哥哥介绍。呢3只啤酒都比较淡味，屋企人觉得1号有d似1664白啤；2号初初饮落有d奇怪，饮饮下又ok，𠮶阵觉得奇怪既味应该就系黄皮味；3号有淡淡柠檬味，但就冇咩啤酒味，系3只中最淡。至于4号酒就系侍应哥哥喺我地食到尾般时介绍既，比较浓味，适合食完肉等等重味既嘢之后饮。第1个头盘系侍应哥哥推荐既西班牙鬼爪螺，首先佢既出场方式已经好特别，系放喺木盒入面上，然后只螺本身个样都好特别，真系好似1只爪。听讲呢只螺好难捉，所以平时好少见，食法系先撕走层依，食入面既肉，食落鲜甜好味，但价钱上可能食其他螺类性价比会更高。第2个头盘系白酒煮法国青口，法国青口比正常既细，亦更鲜甜，另外佢个汁应该落咗牛油，好香，好好食。第3个头盘：西班牙式炸薯粒配温泉蛋。薯粒面头炸到脆卜卜 个汁唔系太啱我口味，但屋企人个个都不停食，好快就清碟，所以
餐厅唔大，只有大约10张枱，坐得舒服但缺点系会有烟味由出面飘入餐厅。
手工啤酒
3 浏览
0 赞好
0 留言
由于系Happy hour，我地一坐低就嗌咗d手工啤酒，相入面既1、2、3号都系当时嗌，1、2号系侍应哥哥介绍。呢3只啤酒都比较淡味，屋企人觉得1号有d似1664白啤；2号初初饮落有d奇怪，饮饮下又ok，𠮶阵觉得奇怪既味应该就系黄皮味；3号有淡淡柠檬味，但就冇咩啤酒味，系3只中最淡。
至于4号酒就系侍应哥哥喺我地食到尾般时介绍既，比较浓味，适合食完肉等等重味既嘢之后饮。
西班牙鬼爪螺
2 浏览
0 赞好
0 留言
第1个头盘系侍应哥哥推荐既西班牙鬼爪螺，首先佢既出场方式已经好特别，系放喺木盒入面上，然后只螺本身个样都好特别，真系好似1只爪。听讲呢只螺好难捉，所以平时好少见，食法系先撕走层依，食入面既肉，食落鲜甜好味，但价钱上可能食其他螺类性价比会更高。
白酒煮法国青口
13 浏览
0 赞好
0 留言
第2个头盘系白酒煮法国青口，法国青口比正常既细，亦更鲜甜，另外佢个汁应该落咗牛油，好香，好好食。
西班牙式炸薯粒配温泉蛋
3 浏览
0 赞好
0 留言
第3个头盘：西班牙式炸薯粒配温泉蛋。薯粒面头炸到脆卜卜 个汁唔系太啱我口味，但屋企人个个都不停食，好快就清碟，所以可能系我个人问题。
法国原条野生鲽鱼
2 浏览
0 赞好
0 留言
开始食正餐，第1碟系法国原条野生鲽鱼。鱼本身系好食既，但比较多骨，唔太适合唔钟意拣骨既人。
西班牙海鲜炖饭
11 浏览
0 赞好
0 留言
第2碟系西班牙海鲜饭，佢唔系传统𠮶种用蕃茄汁同蕃红花既味道，反而好重辣肉肠味，系另1种感觉。海鲜够新鲜，鱿鱼切得好靓
原只西班牙乳猪
5 浏览
0 赞好
0 留言
第3碟主菜系重头戏：西班牙烧乳猪，佢既摆盘好靓好豪华，除咗乳猪仲有d烧过既瓜同无花果，仲有炸蕃薯片同橄榄。我本身唔太钟意食肉，但呢碟一上枱就飘嚟阵阵香味，本身话唔食但结果都食咗1小旧，皮脆肉嫩，好香好好味。
炒杂菜
5 浏览
0 赞好
0 留言
屋企人想食菜，本身餐牌上只有沙律类，冇熟既菜，但侍应哥哥见我地想食，突登问厨房可唔可以整个炒杂菜，所以就有呢1碟𩠌既出现。入面有好多料，除咗菜，仲有豆、萝卜仔、粟米仔、栗子等等。
甜品拼盘
4 浏览
0 赞好
0 留言
最后，呢餐饭用咗甜品拼盘作总结，呢个拼盘都系餐牌上冇既，好处系可以一次过食哂咁多种甜品，坏处系唔太肯定自己食紧咩，因为有部分系类似分子料理。总括嚟讲，我觉得churro，俗称西班牙油炸鬼，最好食。
张贴
