夏銘記

营业中

休息中

夏铭记有两间分别是佐敦及西环。今日特意到西环食夏铭记粉面。唔好睇餐厅环境细细，佢制作嘅粉面系非常出色！而且座位都舒服😌系四人卡座。必点炸鱼皮：本身用个胶袋包住，开咗佢返番转胶袋就可以装落碗度食。一开袋已经闻到非常香，每片都非常大块，唔会碎湿湿。炸完超香脆，放落粉面几秒会听到👂有少少脆脆嘅声音，反而微微湿更加好味。🐟原条鱼条餐厅会帮你切成厚身一片片，当小食两三人分享份量啱啱好，超级！弹牙！而且味道调得刚好，但又唔会过于咸！🍜紫菜四宝河：汤头清清地、味道咸香几好食。四宝中我特别喜爱鱼蛋，质感非常弹牙。隐藏餐牌：鹅肠捞面可转汤面🍜个人非常偏爱食鹅肠，但怕跟捞面会过于干身，所以问职员可唔可以转汤面。原来系可以转㗎。加左汤，鹅肠质感微微湿，而且系幼身一条条，配埋豉油非常好食🤤；质感一啲都唔嚡口。