Vie Won Won (已結業)

今日嚟到香港大学站附近食晚餐，呢间餐厅门口睇落似间Cafe～ 原来里面别有洞天，楼梯转角位行咗好多复古风格嘅挂画～ 楼上灯光好有气氛，枱面放咗蜡烛，深木色家具配上花纹瓷砖枱面同马赛克吊灯，充满古典风格～蟹膏蟹肉炖饭 $198蟹膏香味超级浓郁，配上淡淡鲜甜嘅蟹肉，味道够「鲜」够「蟹」～意大利饭煮得啱啱好，好有咬口，酱汁香浓Creamy但唔会遮盖蟹肉嘅鲜味，蟹迷一定唔可以错过～龙虾沾面 $218卖相好吸睛，龙虾肉爽口弹牙，焗到好香～ 沾面好挂汁，每一啖都充满香浓嘅龙虾汁～ 西式煮法配上日式沾面几特别～ 份量比较轻量，适合细食嘅人士～花生香蕉奶昔 $56质感Creamy幼滑，奶香味浓郁，中间有啖啖香蕉香气同花生酱的咸甜香，估唔到花生酱同香蕉系咁夹，配埋焦糖脆皮香蕉好正热带雨林 $58由菠萝，柠檬，热情果打成嘅沙冰，清新开胃，味道酸酸甜甜，消暑一流～咸蛋黄脆片附送的餐前小食，咸蛋黄味甘香浓郁又唔会太油腻，脆脆好香口，作为餐前开胃小食一流～整体食物质素高质，环境好有特色气氛，服务态度亲切友善，地点方便。