影片
更多
2019-10-23
3995 浏览
每次食日本野都抱住试新嘢同埋一个学嘢既心态。今次拣左呢间系西环水街已经屹立两年几既小店食Omakase。呢度既Omakase同平时系餐厅食既唔同，系比个心目中既价钱师傅，师傅就会用最时令既食材准备符合呢个价钱既食物。呢度Omakase最低消费$600，今日我地定既预算系$750/位。呢度系一个师傅同一个侍应一脚踢，师傅每次系自己整完自己做埋上菜，仲每道菜都详尽介绍，绝对啱晒我呢啲想学嘢既人！<前菜>草溃海草，北海道产，上面有珊瑚蓉，浸系醋入面，口感软滑，比中华沙律软超多，但又稍微比昆布硬身。酸酸地好开胃。酥炸虾，大分县产，成只食得架，炸完啲壳好脆口（小心系口入面比吉亲哈哈），再咬多两下就食到虾肉。九州走地鸡温泉蛋，个蛋黄系温泉蛋既软绵绵口感，出面就系啲冷面汁同蛋白液。成个送入口就够晒爽！真蚝，岩手县产，加啲萝卜蓉同酸汁。味道鲜甜creamy，海水味唔太重，啱晒怕海水腥味既人。手钓池鱼，原来鱼如果系用鱼杆钓，啲肉系会实啲，油分更锁足。因为用鱼网抓，啲鱼会系网中互相撞击，就无咁好食喇。有厚切同薄切。薄切，可以加九州葱同酸汁。厚切，可以加豉油加芥末。池鱼都系口感比较紧实爽口，
<前菜>
草溃海草，北海道产，上面有珊瑚蓉，浸系醋入面，口感软滑，比中华沙律软超多，但又稍微比昆布硬身。酸酸地好开胃。
酥炸虾，大分县产，成只食得架，炸完啲壳好脆口（小心系口入面比吉亲哈哈），再咬多两下就食到虾肉。
九州走地鸡温泉蛋，个蛋黄系温泉蛋既软绵绵口感，出面就系啲冷面汁同蛋白液。成个送入口就够晒爽！
真蚝，岩手县产，加啲萝卜蓉同酸汁。味道鲜甜creamy，海水味唔太重，啱晒怕海水腥味既人。
手钓池鱼，原来鱼如果系用鱼杆钓，啲肉系会实啲，油分更锁足。因为用鱼网抓，啲鱼会系网中互相撞击，就无咁好食喇。
有厚切同薄切。薄切，可以加九州葱同酸汁。厚切，可以加豉油加芥末。池鱼都系口感比较紧实爽口，味道方面加上调味就更出喇。
秋刀鱼，本身有腥味所以要用姜癖腥。落左少少姜蓉就已经达到效果，口中就只剩浓烈既鱼味。
岛池鱼，九州产。同池鱼既分别就系岛池鱼系深海鱼，味道较浓。口感爽口油润。
油甘鱼，鹿儿岛产。部位接近腩位，一样爽口，油润份感觉更重。
足签鱼，长崎县产。火炙过后油分出晒黎！黎到已经飘来阵阵油香。肉身较松软。
吞拿鱼赤身，九州产。有海盐系上面，唔需要豉油已经味道十足。
海胆墨鱼卷，中间包住既系北海道海胆同紫苏叶。外面爽口入面creamy，感觉似食夹心糖，口感丰富，
大拖罗。吞拿鱼最高脂肪比例既部份，鱼油更重，比较多筋所以同时几有咬口。
天妇罗软壳蟹牛油果沙律。牛油果量唔算多，预拌沙律酱。天妇罗够酥脆，炸皮够薄。
京道产娟豆腐。浸住甜豉油。脆脆既外皮下面系超滑溜既豆腐。
<主菜>
黎到主菜既部份，系烧牛腹腔，只有1-2成熟，感觉似食牛刺身，上面有黑椒，点啲海盐同芥末籽调味，味道更上一层楼。
<甜品>
分别系豆腐雪糕，柚子蛋糕，朱古力布朗尼，雪糕软绵，豆腐味重唔死甜。柚子蛋糕有cream cheese所以口感creamy，口感似纽约同日本cheese cake中间。朱古力布朗尼唔系平时咁硬，比较松化软腍。
呢度系西环难得既隐世日本料理。取用食材以性价比为先，所以感觉呢餐食左好多好多嘢都平出面好多。
张贴
