米蔥動

营业中

休息中

听读港大嘅友人讲，西环有间街坊台菜小店，系间隐世美食🤗斋睇个餐厅名就已经好有台式食字gag嘅风味，搞笑得嚟又会get到餐厅嘅牌菜系啲咩😂葱油谷饲猪扒饭相信呢个就系餐厅嘅主打，呢碗有齐米同葱嘅葱油猪扒饭，猪扒用咗谷饲梅头，煎咗之后好有油香，肥瘦均匀，口感又唔韧，加埋葱油同甜豉油，就系个简单得嚟好滋味嘅美食🤤蒜香酱油冻螺好有特色嘅小食，同样系店家嘅推介美食。冻螺份量好多，轻轻用牙签一拮就可以攞到啲肉出嚟🐚 食落仲有微微嘅酒香添 。话梅冻猪手呢个猪手都算大件，上面洒上咗啲酸酸地嘅话梅粉，系个几开胃嘅小食🐷盐酥花枝丸拼香芋贡丸呢份双拼丸就好有台湾夜市小食嘅风味，啲丸炸得几香，再有椒盐粉调味 。比较特别嘅系香芋贡丸，猪肉丸嘅外层包住芋泥，几有惊喜🤩珍珠奶茶食台湾嘢点都要叫杯手摇饮品先有feel，店员喺落单嘅时候会主动问需唔需要少甜同少冰呢啲选项，真系好贴心啊🧋餐厅舖面唔大，得十个座位左右，偏向家庭式嘅小店运作，但系绝对系好食嘅舖头😎 一路食都见到好多街坊嚟帮衬，店员都同食客闲聊几句，可见佢有一班熟客仔支持，系间有本土味嘅台式小店啊 。