彩aya

营业中

休息中

老老实实「隐世」呢个形容俾新假期用到烂晒，间餐厅明明喺大街佢都可以话系隐世小店，不过呢「彩」除咗用隐世都唔知点形容佢个位置，餐厅门口喺后巷嘅横街入面，门口又冇抢眼嘅装修，我会知道有呢间沾面店都系住附近嘅朋友介绍先知。餐厅主打三款汤底，分别系「原味猪骨汤」、「黑蒜油汤」同埋「虾味噌汤」。面条系自家制嘅，制造工场喺收银柜后面，可以睇到师父做嘢，面底方面每日有三款提供，小麦面、黑胡椒面同今日Special面。我最后决定咗试个「黑蒜油汤沾面」跟黑胡椒面，碗汤嘅黑蒜味好香，但又唔会太过浓，食完唔会超口渴，蛋同叉烧都整得好好，至于面嘅黑胡椒味就冇想像中咁重，要细心品尝先食到少少黑椒味。朋友就要咗个「虾味噌汤沾面」跟佢当日嘅Special紫菜面，佢就话虾味噌几浓郁，味觉上、嗅觉上同视觉上都好满是，紫菜面就咁食会食到少少紫菜嘅香味不过沾汤后会俾汤嘅味道盖过。平均价八十蚊尾九十蚊头，性价比算几高，可惜嘅系西环同元朗两间铺嘅位置对我嚟讲唔多方面，冇得随时想嚟就嚟。