Just Eat (已結業)

住西环嘅朋友真系好幸福，因为衣食住行都超级方便。尤其是肚饿果阵想食咩类型嘅菜式都有多不胜数嘅选择😆💖！今晚心血来潮想食越南野又唔想搭车出第二区，于是又黎左Just Eat - 一间我本人大力推荐嘅越南餐厅🍴⭐️。浓味牛汤浸牛肉河($62)- 上菜时汤碗仍然热辣辣，牛肉呈色粉嫩红色。💖呢度嘅生牛肉河我敢讲系好食过好多大型连锁品牌！河粉同牛肉嘅份量超多不在话下，重点佢采用嘅系上等优质牛肉！😍牛肉嘅口感非常之嫩。个汤底都冇得弹：充满浓香牛骨鲜甜味，饮多两啖都唔会口渴。香茅猪扒汤河($68) - 猪扒即叫即炸表面炸到金黄香脆，内里肉质juicy！⭐️😊特别中意自家制嘅葱油酱，令猪扒嘅香味更上一层楼。香茅串烧鸡($36) - 食串烧肉类最怕厨师将D肉烧到干争争，呢个鸡串香茅味香浓之余充满肉汁，我同友人都非常impress！真系不得了✨丝网春卷配生菜($38) - 同样系水准之作，春卷炸得好脆，点埋甜酸汁食非常开胃！越南桔仔甘蔗水($38) - 呢杯冻饮饮落带点微咸当中又带点甘蔗嘅清香，饮落唔甜。👍🏻食完咁多浓味嘅食物饮就最岩喇，可以中和一下油腻感又解渴生津。