Pop Street (已結業)

复课之后，返嚟西营盘第一时间要帮衬Pop Street! Pop Street午餐有多国菜式选择，饮品都好特别，有lemonade同是日凉茶，仲有餐前小食日日唔同，保证有新鲜感。室内设计都好有心思，值得香港人去支持！咸蛋黄炸薯仔- 呢个餐前小食非常吸引，隔住个口罩都闻到咸蛋黄嘅香味，薯仔粒新鲜炸起，口感非常香脆，每一个面都沾上咸蛋黄酱，惹味非常。好彩叫咗是日凉茶热罗汉果茶饮，可以减轻热气，降一降火。纽西兰鳕鱼柳芝士汉堡配薯条$65- 鳕鱼柳炸粉好脆好薄，炸得一啲都唔干，腌得好入味，仲要劲大块。芝士拉丝非常邪恶，整体配菜好夹，仲有粗薯条加茄汁食，十分推介！是日精选扁意粉$70- 朋友们叫忌廉汁野菌鸡肉意大利粉，佢哋话超级好食，意粉非常入味唔会太腻，份量啱啱好！