自家麵

营业中

休息中

西贡有好多好西选择，但呢间我就翻兜咗几次，原因系因为老板娘既人情味。每次行完山都身水身汗，出到西贡市中心就会去呢间小店食返碗面，每碗面都系人手打出嚟，有四种粗幼选择。而我最钟意食粗面或者宽面，贪佢够挂汁，每条面都可以同埋啲汤汁一齐啜入口，啱晒我啲重口味人士。我既选择就系手撕鸡凉拌面，麻辣汁，大辣，宽面。手撕鸡配上冻冰冰既青瓜丝，非常清爽，捞埋大量麻酱，超正。而凉拌面就有麻辣酱，每条面都沾到好多酱汁，啜成口都系，不过怕辣既人可以由bb 辣试起。而男朋友仔既选择系杂菌胡椒面，bb 辣，比较重胡椒味多过辣味，食完好暖身，而啲菇就好甜好好咬，配埋汤头非常鲜甜。两个人夹埋先$94， 价钱唔贵。加埋老板娘好好人好好倾，食得好开心。