白鬚旗艦店 (已結業)

去西贡都有好多人推介嘅白须，所以难得黎到都要黎试一试。入到去环境阔落，带有度假嘅感觉。白须牛骨汤饭 $108招牌菜，多数人推介。大大旧牛骨，连埋唔少牛肉、软骨同筋膜。肉质偏瘦但唔会嚡口，汤底清甜唔太油腻，饮得到有萝卜香甜味。萝卜爽甜冇渣，牛骨汤上面洒上大量炸蒜粒同葱粒，令整体更加惹味。如果牛骨汤加入其他牛肉，令到牛肉汤味较为浓，会更加出色。印尼鸡汤饭 $78食落似味道较轻的印尼喇沙味，有浓浓嘅椰奶味，食落有香茅同柠檬叶嘅味道，可以自行加入青柠。入面配埋有鸡肉丝、芽菜、豆卜，汤面上面有一块印尼虾饼。印尼曼特宁滴漏咖啡 跟餐半价咖啡味道浓香醇，不带有酸味。另外配有炼奶可按个人喜好加入。