勝記海鮮酒家

营业中

休息中

身为将军澳居民系会经常入西贡揾食，除咗饮啡就系入嚟食海鲜为主，而胜记系其中一间我哋之前最常去嘅海鲜餐厅。小食拼盘- 避风塘脆金砖拼西贡墨鱼饼
脆金砖外皮炸浆香脆，豆腐嫩滑，香口惹味。
手打墨鱼饼外层煎得香脆，咬落弹牙，绝对要趁热食，食得出食材新鲜。而家登记做餐厅会员，追踪餐厅社交平台 就会免费送！凉拌蛏子皇～建议早一日预订～第一次冻食蛏子，有别于一般清蒸或爆炒嘅煮法，蛏子配搭特别烹调嘅酱汁做凉拌，麻油味香浓，味道酸酸味味作为开胃菜一流。椒盐鲜鲍鱼餐厅招牌菜之一，炸浆够薄，鲍鱼厚身好软滑，椒盐味好出好惹味～秘制濑尿虾一上枱已经好吸睛，濑尿虾王好巨型，外层嘅咸蛋黄未食已经闻到好香，连虾壳都煮到好酥脆，虾肉都鲜甜，推荐👍🏻上汤龙虾配脆米粉上汤汁都算浓郁，脆米粉沾满酱汁又脆又香，再加上龙虾肉弹牙爽口，口感丰富。