金輝海鮮菜館

营业中

休息中

想来西贡食海鲜，行过海鲜街会经过好多选择，多到眼花撩乱。都唔知拣边间好？今次我哋由价钱黎选择，拣咗一间最平嘅金辉海鲜酒家，明码实价、绝无另加收费。二人餐，已包茶芥、加一。另外送白饭、青菜、时令水果。豉椒炒蚬：蚬超级细粒，好似一只手指咁大，虽然份量多，但宁愿食大只少少。椒盐炒虾：食到有几只虾，唔系咁新鲜，虾头同肉霉霉地。不过因为已经炒到超级香口，所以食起嚟其实你唔系好觉味道有唔同，但凭质地可以讲得出。芝士龙虾伊面： 龙虾开左半边，中规中矩，唔算太细只，而且都算一旧大啖啖肉。不过个伊面可以直接跳过，只系用嚟填饱肚嘅工具。椒盐鲜鱿：炸物真系算正正常常，份量唔算多，但系都几好味。讲佢价钱系最平，但系只不过平其他舖头几十蚊到，下次你可以再去多几档睇吓人地食紧既食物嘅质素先决定。