Crazy Cow Cafe (已結業)

今日去咗西贡揾朋友，原来有旺角去西贡半小时就到，行吓行吓发现左呢间Crazy Cow Cafe，见到餐牌啲价钱又唔贵。我揾埋个朋友之后，经过呢间Cafe仲有个公仔牛牛在门口欢迎，咁梗系要入去帮衬下啦！其实啲蛋糕都好靓，不过因为之后又约咗人食饭，所以我哋只叫咗一件Opera cake share食下，觉得好好味，唔系太甜，口感好好，我地仲叫左几杯咖啡，咖啡唔使$30一杯，都几大杯。呢度环境都算大，好啱坐下倾下计，服务员仲好有友善。