影片
更多
2024-02-26
975 浏览
好钟意去西贡市中心，走走海边，周围逛逛小店，有条西贡食街食肆林立，其中「金鸡海南鸡专门店」十几年历史，专门做好海南鸡。门面细细，但招牌都好抢眼，唔难揾得到，门口都贴满好多电视台采访嘅相片，同食评家推介嘅报道，就一于入去试吓。店面唔大，四五张枱左右，但对面有仲多个小小舖位，我哋叫咗二人餐，好够食，性价比高，食得好满足。◈ 金鸡二人餐 $194⟐ 招牌去骨海南鸡 (半只)好钟意食去骨海南鸡啖啖肉，半只份量都唔少，鸡皮爽弹，无多余脂肪，皮下有啫喱状，肉质超嫩滑，紧致有弹性，就算系鸡胸位置都好juice，唔会干柴。最欣赏只鸡全熟得嚟，肉质依然保持嫩滑，又唔会有生血水嘅感觉，相比广东白切鸡，往往切开见到鸡骨有血，近骨啲肉会比较腥，呢点对我食鸡嚟讲好重要。系新加坡style海南鸡，由新加坡师傅传承落嚟，主要系食个鸡味，鸡鲜味好浓，蘸埋三款秘制酱汁更开胃：黑酱油、姜蓉同辣酱，值得一提个自家制辣酱，比出面更浓味够辣。⟐ 驰名香煎手剁咸鱼蓉肉饼套餐仲有元蹄可选择，我哋拣咗煎咸鱼肉饼，望到以为得一块，夹开就发现底层仲有一块，份量都几多。手剁咸鱼蓉好幼细，完全同肉碎混和分唔开，干煎得香口脆边，够咸香好惹味，
门面细细，但招牌都好抢眼，唔难揾得到，门口都贴满好多电视台采访嘅相片，同食评家推介嘅报道，就一于入去试吓。店面唔大，四五张枱左右，但对面有仲多个小小舖位，我哋叫咗二人餐，好够食，性价比高，食得好满足。
金鸡二人餐
82 浏览
0 赞好
0 留言
⟐ 招牌去骨海南鸡 (半只)
好钟意食去骨海南鸡啖啖肉，半只份量都唔少，鸡皮爽弹，无多余脂肪，皮下有啫喱状，肉质超嫩滑，紧致有弹性，就算系鸡胸位置都好juice，唔会干柴。
最欣赏只鸡全熟得嚟，肉质依然保持嫩滑，又唔会有生血水嘅感觉，相比广东白切鸡，往往切开见到鸡骨有血，近骨啲肉会比较腥，呢点对我食鸡嚟讲好重要。
招牌去骨海南鸡 (半只)
193 浏览
0 赞好
0 留言
系新加坡style海南鸡，由新加坡师傅传承落嚟，主要系食个鸡味，鸡鲜味好浓，蘸埋三款秘制酱汁更开胃：黑酱油、姜蓉同辣酱，值得一提个自家制辣酱，比出面更浓味够辣。
驰名香煎手剁咸鱼蓉肉饼
17 浏览
0 赞好
0 留言
⟐ 驰名香煎手剁咸鱼蓉肉饼
套餐仲有元蹄可选择，我哋拣咗煎咸鱼肉饼，望到以为得一块，夹开就发现底层仲有一块，份量都几多。手剁咸鱼蓉好幼细，完全同肉碎混和分唔开，干煎得香口脆边，够咸香好惹味，送饭一流。
卤水汁时菜
7 浏览
0 赞好
0 留言
⟐ 卤水汁时菜
菜心灼得翠绿爽甜，脆嫩无渣，本身都钟意配卤水汁多过蚝油。
住家老火靓汤
2 浏览
0 赞好
0 留言
⟐ 住家老火靓汤 (2碗)
系青红萝卜粟米猪骨汤，落足汤料煲，应该都有用好多鸡壳嚟熬汤，老火汤无味精，劲有住家feel。
鸡油饭
24 浏览
0 赞好
0 留言
⟐ 鸡油饭 (2碗)
好钟意个鸡油饭粒粒分明，仲捞咗啲炸干葱粒，够味又唔会太油，啖啖充满鸡油香，连唔系好食饭嘅我，都好味到食晒成碗。
龙眼冰
10 浏览
0 赞好
0 留言
⟐ 龙眼冰 +$15/ 1杯
二人餐已包热饮两杯，亦可以特价升级特饮。龙眼冰味道清甜，超多龙眼肉塞满成杯，大大粒又饱满，仲要唔系好甜，喺呢几日潮湿嘅天气下，饮一啖清爽解渴。
老板好好倾：「喺呢度开咗十几年，十几年嚟都系推出呢几款菜色，所以一定要保持好嘅水准，咁先至唔会咁容易俾人遗忘，当想起食海南鸡都一定会记起我哋。」我一路食一路见到外卖不绝，好受街坊欢迎，证明个个都记得系好嘢，我定必再访。
#金鸡去骨海南鸡专门店地址：西贡福民路(食街)34号地舖
张贴
